РЕН ТВ телеканали маълумотларига кўра, Эррол Маск "Келажак 2050" форумида иштирок этиш мақсадида Москвага учиб келган. Миллиардернинг отаси "Царград" нашрига берган интервюсида жуда қизиқарли шахслар уни келажак ҳақида суҳбатлашиш учун таклиф қилганини ва парвозда ёрдам кўрсатганини маълум қилган.
"Келажак 2050" форуми МДУ базасида ўтказилади. Тадбирнинг расмий сайтида кўрсатилган мавзулар орасида, хусусан, қуйидагилар бор: "Қалб ва онглар учун кураш. Суверен Россия мафкураси", "Рус космоси. Марс учун пойга" ва "Ватанпарварлик тарбияси. Замонамиз қаҳрамони қиёфаси". Тадбирда сўзга чиқадиган одамлар орасида Эрролдан ташқари (у "муҳандис, тадбиркор, қимматбаҳо тошлар савдогари, Илон Маскнинг отаси" сифатида тақдим этилган) Россия ТИВ раҳбари Сергей Лавров, "Царград" раҳбари Константин Малофеев ва Биринчи канал бошловчиси Екатерина Андрeева ҳам бор.
Эррол Маск "Известия" газетасига берган интервюсида ўғлининг Доналд Трамп билан зиддиятида айнан АҚШ президенти ғалаба қозонишини таъкидлади. "Менимча, Илон хато қилди, лекин у ҳозир чарчаган, стрессда. Беш ой давомида узлуксиз депрессияда бўлди. Охирда эса фақат у билан Трамп қолди, бу можаро эртага якун ясаладиган арзимас бир нарса, холос", дейди Маскнинг отаси.
«Жаҳаннам дарвозаси» кратери тез орада сўнади
Ўзбекистонлик тадбиркор Ўткир Юсуповга Тошкент шаҳридан 3 хонали уй ваъда қилди (видео)
Россия Маскка бошпана берадими?
