Жорий йилнинг 27 октябрь куни Қашқадарё вилоятининг Қарши шаҳрида фуқаро Д.Н. “Чақар” МФЙда жойлашган буюм бозори ҳудудида Қарши тумани Кўчкак қишлоғида яшовчи И.Л.нинг чўнтагидаги “Самсунг” мобиль телефонини олиб қўйган вақтида И.Л. буни сезиб қолган ва ундан телефонини қайтариб беришини сўраганида, Д.Н. унинг юзига қўллари билан уриб, воқеа жойидан яширинаётганида шу ерда хизмат олиб бораётган ички ишлар органлари ходимлари томонидан қўлга олинган.
Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармасининг хабар беришича ҳолат юзасидан жиноят иши қўзғатилиб, тергов ҳаракатлари олиб борилмоқда.