Британиялик сайёҳлар севадиган Тенерифе ороли қирғоқларида қўрқинчли чуқур денгиз махлуқи кузатилган.
Ваҳимали видеотасвирда тадқиқотчилар даҳшатли чуқур денгиз жониворини учратган лаҳза кўрсатилган. Бу, эҳтимол, сув юзасига жуда яқин бўлган вояга етган балиқнинг биринчи видеоёзуви бўлиши мумкин.
Олимларнинг фикрича, бу тадқиқотчилар орасида Melanocetidae оиласига мансуб Melanocetus johnsonii номи билан танилган, юнончасига "қора денгиз махлуқи" деб аталадиган вояга етган абиссал балиқнинг илк бор кузатилиши бўлиши мумкин.
Одатда Иблис ёки Демон деб аталадиган бу йиртқичнинг даҳшатли ўткир тишлари бор ва урғочиларининг орқа қисмида ҳеч нарсадан шубҳаланмаган ўлжани жалб қилиш учун ишлатиладиган биолюминессент симбиотик бактериялар тўла ўсимтаси мавжуд.
У Испаниянинг Канар оролларидаги энг катта орол - Тенерифе қирғоқларида топилган.
Cондрик Тенерифе нодавлат ташкилотининг олими, фотосуратчи Давид Жара Богуñа учрашув видеосини ижтимоий тармоқларда эълон қилди ва унга Эндрю Ллойд УЭббернинг "Phantom of the Opera: Overture" асарини муносиб даҳшатли фонограм сифатида танлади.
Богуñа Инстаграмъдаги постида бу махлуқ "жуда кам одамлар тирик ҳолда кузатиш имтиёзига эга бўлган афсонавий балиқ" эканлигини ёзди ва унинг фикрига кўра, бу вояга етган нусханинг биринчи марта "тирик ҳолда, ёруғ кунда ва сув юзасида" кўриниши бўлган.
The Independent газетасининг хабар беришича, бу жонзот нодавлат ташкилоти томонидан ўтказилган "Shark Research Campaign" тадқиқот кампанияси давомида кўрилган. Ташкилот одатда 200 дан 2000 метргача чуқурликда яшайдиган бу балиқнинг нима сабабдан саёз сувларга чиққанини аниқ билмайди.
Cондрик Тенерифе бунинг сабаби "касаллик, юқори оқим, йиртқичдан қочиш ва ҳоказо" бўлиши мумкинлигини таъкидлади.
