"Ансор Аллоҳ" исёнчилар ҳаракати ҳужуми натижасида Қизил денгизда чўкиб кетган Грециянинг Eternity C юк кемаси экипаж аъзоларини ўғирлаб кетишди.
Бу ҳақда АҚШнинг Ямандаги элчихонаси баёнотида айтилган.
"Ҳутийлар бир нечта денгизчиларни ўлдириб, кемани чўктирган ва қутқарув ишларига тўсқинлик қилгандан сўнг Eternity C кемасининг омон қолган кўплаб экипаж аъзоларини ўғирлаб кетишди. Биз уларнинг зудлик билан ва шартсиз қўйиб юборишларини талаб қиламиз. Ҳусийлар нима учун Қўшма Штатлар уларни террорчи ташкилот деб атаганини бутун дунёга кўрсатишда давом этмоқда", - деди АҚШ дипломатик миссияси.
Юк ташувчи кема экипажи 21 нафар филиппинлик ва бир нафар Россия фуқаросидан иборат эди.