Ҳуқуқ-тартибот идоралари ходимлари жиноятларни тергов қилиш ва шахсларни қидиришда ёрдам сўраб хусусий оммавий ахборот воситаларига мурожаат қилишлари мумкин бўлади.
Эндиликда ички ишлар органлари жиноятларни тергов қилиш ва жиноят содир этган, жазони ўташдан бўйин товлаган ёки бедарак йўқолган шахсларни қидиришда хусусий оммавий ахборот воситалари имкониятларидан бепул фойдаланиш ҳуқуқига эга, деб хабар беради Подробно.уз мухбири.
Норма порталининг хабар беришича, бу президент 13 март куни имзолаган қонунда кўзда тутилган. Норматив-ҳуқуқий ҳужжат жиноятчиликка қарши курашишнинг ҳуқуқий асосларини такомиллаштиришга қаратилган. У тегишли учта қонунга ўзгартиш ва қўшимчалар киритади.
Қайд этилишича, авваллари ҳуқуқ-тартибот идоралари ходимлари фақат ҳукумат нашрлари ёрдамига мурожаат қилишлари мумкин эди.
Ҳужжат, шунингдек, тезкор-қидирув фаолиятини АКТдан фойдаланган ҳолда, шу жумладан кибермаконда ва унинг имкониятларидан фойдаланган ҳолда амалга ошириш мумкинлигини белгилаб беради.
Шоҳжаҳон Жўраев икки йил олдин отаси Шерали Жўраевни судга берган
Қозоғистон Марказий Осиёдаги энг бой давлатга айланди ва Хитойни ортда қолдирди - Global Finance
Швейцария Рим папасини Украинада тинчлик ўрнатиш бўйича конференцияга таклиф қилди
