Middle East Eye нашрининг хабар беришича, Буюк Британиядаги энг йирик исломий инвестиция жамғармаси — HSBC банкининг Islamic Global Equity Index Fund жамғармаси 2026 йилнинг биринчи ярмида Исроил армияси билан алоқадор бешта компания акцияларига сармоя киритган. Сармоя миқдори 130 миллион доллардан ортиқ деб айтилмоқда.
Сармоялар тақсимоти:
🔹 Palantir — 38,3 млн доллар. Исроил Мудофаа вазирлиги билан ҳамкорлик қилади.
🔹 RTX — 35,7 млн доллар. Исроилнинг «Темир гумбаз» тизими ва қирувчи самолётлари учун ракеталар етказиб беради.
🔹 Analog Devices — 20,3 млн доллар. Исроилнинг Elbit Systems қурол-яроғ компаниясига компонентлар етказиб берган.
🔹 Honeywell — 18,9 млн доллар. Унинг компоненти 2024 йилда Ғазодаги мактабга зарба берган ракетада аниқланган.
🔹 Rolls-Royce — 17,6 млн доллар. Исроилнинг «Меркава» танклари учун двигателлар ишлаб чиқаради.
Жамғарма портфелида BAE Systems, Booking.com ва Expedia акциялари ҳам мавжуд.
Эътиборлиси, Буюк Британиядаги ҳалол инвестиция тамойилларига асосланган пенсия жамғармаларининг аксарияти ҳам айнан шу «шариат» жамғармасига маблағ киритган.
