Ҳозир Россияга қарши санкцияларни бекор қилиш дипломатия учун фожиа бўлади – Украина президенти

Владимир Зеленский Парижда ўтказилган саммитда сўзлаган нутқида Россияга қарши санкцияларни бекор қилиш мумкин эмаслигини таъкидлади.

"Москва Қора денгизда ўт очишни тўхтатиш учун бизнинг ҳамкорларимизни ўз шартларига мажбур қилмоқчи, аммо бу шартлар реал эмас. Ҳозир Россияга қарши санкцияларни бекор қилиш дипломатия учун фожиа бўлади. Чунки санкциялар Россияни жиддий музокараларга мажбур қилиш учун дунёнинг қўлидаги кам сонли ҳақиқий воситалардан биридир", — дея ўз фикрига изоҳ берди Зеленский.

"Ҳозир Россияга қарши санкцияларни бекор қилиш вақти эмас", — дея таъкидлади Буюк Британия бош вазири Кир Страмер cаммитдан сўнг.