"Ўзэнергоинспекция" Навоий вилоят ҳудудий бошқармаси томонидан ўтказилган назорат тадбирида Кармана туманида жойлашган "Маҳорат маркази” таълим муассасасига қарашли бинонинг газ ҳисоблагичига ташқи таъсир кўрсатилиб, табиий газдан ноқонуний фойдаланиб келаётганлиги аниқланди.
Ушбу қоидабузарлик натижасида дастлабки ҳисоб-китобларга кўра газ таъминоти корхонасига 250,6 миллион сўмлик зарар етказилганлиги маълум бўлди.
Ҳозирда ҳуқуқни муҳофаза қилиш органлари томонидан терговга қадар текширув ишлари олиб борилмоқда.
