Ҳиндистон шимолидаги Уттар-Прадеш штатидаги шифохонанинг неонатал бўлимида содир бўлган ёнғин оқибатида 10 нафар янги туғилган чақалоқ ҳалок бўлди. Бу ҳақда «Times Now» хабар берди.
Маҳаллий ҳокимият маълумотларига кўра, ёнғин Жанси шаҳридаги Маҳарани Лакшми Бай тиббиёт коллежининг реанимация бўлимида бошланган.
Ўт ўчирувчилар етиб келганида, хоналарни аланга ва тутун қамраб олган. Қутқарувчилар янги туғилган чақалоқларга етиб бориш учун деразаларни синдириб ўтишга мажбур бўлишди. Гувоҳларнинг сўзларига кўра, қутқарув операцияси ёнғин бошланганидан тахминан 30 дақиқа ўтиб бошланган ва эвакуация кечиктирилган.
Ҳиндистон бош вазири ўринбосари Бражеш Патхак етти нафар жасаднинг шахси аниқланганини айтди. Уч нафар жасаднинг шахси ҳозирча номаълум. 45 нафар бола қутқариб олинди ва уларга тиббий ёрдам кўрсатилмоқда.
“Касалхонадаги 16 нафар чақалоқнинг аҳволи оғир”, – деб ёзади «Times Now».
NDTV телеканали маълумотларига кўра, ёнғин бошланган пайтда реанимация бўлимида 54 нафар чақалоқ бўлган.
“Ушбу фожиага алоқадор айбдорларни аниқлаб, қаттиқ чоралар кўрамиз. Ҳукумат ушбу ҳодисадан жабрланган оилалар билан эканлигини алоҳида таъкидламоқчимиз”, — деди маҳаллий амалдорлардан бири.
Россия ўз ишини бошлади
«Ўзингизни босинг, дўстим»: Хабиб Нурмагомедов «Манчестер Юнайтед» афсонасини огоҳлантирди
Филипп Киркоров қидирувга берилди
