Ҳиндистонда номаълум касалликдан 15 киши вафот этди

Ҳиндистон ғарбида номаълум касалликдан 15 киши ҳалок бўлди, деб ёзди “Hindustan Times” газетаси.

Гужарат штати Кутч туманидаги Лакхпат шаҳрида сирли иситмадан вафот этганлар сони саккиз кун ичида 15 кишига етди. Расмийлар ҳолат сабабини ҳали аниқлай олгани йўқ.

Нашр ёзишича, 3-10 сентябрь оралиғида камида ўн киши, жумладан болалар қурбон бўлган. Шундан сўнг яна камида беш кишининг ўлими тасдиқланган.

Кутч тумани ҳукумати матбуот котиби Амит Арора таҳлил ҳозирча H1N1 гриппи вируси, чўчқа гриппи, Қрим-Конго геморрой иситмаси, безгак ва денгге иситмаси эҳтимолини истисно қилганини айтди. Шунингдек, у номаълум иситма юқумли касаллик эмаслигини ҳам таъкидлаган.