Ҳиндистонда коронавируснинг янги — ХЕ штамми аниқланди. Ҳолат Мумбай шаҳрида қайд этилган. Бу ҳақда 6 апрель куни Times of India газетасига таяниб, “ТAСС” хабар берди.
“Янги вариант рекомбинант штамми бўлиб, аввал кашф этилган иккита омикрон штаммлари БA.1 ва БA.2 чатишмасидир”, — дейилади нашрда.
ХЕ штамми биринчи марта 2022 йил 19 январда Буюк Британияда аниқланган. ЖССТ бу "ҳозиргача аниқланган энг юқумли штамм" бўлиши мумкинлигини тахмин қилмоқда.