Ҳиндистон расмийлари Покистонни дрон ҳужумлари уюштириш ва Кашмирдаги ҳарбий базаларга зарба беришда айбламоқда

"Покистон ҳарбий ҳаракатларни тўхтатиш бўйича келишувни бузди, Ҳиндистон армияси “жавоб чораларини” кўрмоқда", — дея маълум қилди Ҳиндистон Ташқи ишлар вазирининг биринчи ўринбосари Викрам Мисри.

Ҳиндистон ТИВ, шунингдек, Покистондан ҳарбий ҳаракатларни тўхтатиш учун зудлик билан тегишли чоралар кўришни талаб қилди.

Ўз навбатида, Покистон бош вазири Шаҳбоз Шариф Ҳиндистон ноҳақ айблов илгари сураётганини билдирди. Шарифнинг сўзларига кўра, кимдир Покистоннинг мустақиллигига шубҳа қилса, мамлакат ўз мудофааси учун барча чораларни кўради.