Ҳиндистон Покистон билан можарода самолётларини йўқотганини тасдиқлади

Ҳиндистон Қуролли Кучлари штаби бошлиғи генерал Анил Чаухан Покистон билан бўлган можарода бир нечта самолёт йўқотилганини тасдиқлади.

Ҳиндистон Қуролли Кучлари штаби бошлиғи генерал Анил Чауханнинг Bloomberg агентлигига маълум қилишича, мамлакат Покистон билан можаролар чоғида бир нечта ҳарбий самолётини йўқотган.

"Энг муҳими — самолётлар қулагани эмас, балки нима сабабдан қулагани," — деди у.

Генерал, шунингдек, Покистоннинг Ҳиндистонга тегишли олти самолёт уриб туширилгани ҳақидаги баёнотларини бутунлай асоссиз деб атади. Шу билан бирга, Ҳиндистон армияси аниқ нечта жанговар самолёт йўқотганини очиқламади.

10-май куни АҚШ президенти Доналд Трамп можаро иштирокчиларини ўт очишни тўхтатишга кўндира олганини маълум қилди. Шундан сўнг Agence France-Presse (AFP) ахборот агентлиги Ҳиндистон ва Покистон май ойи охиригача тинчлик давридаги позицияларига қўшинларни қайтаришга келишиб олганини хабар қилди.