Ҳиндистон ички ишлар вазири Aмит Шаҳ коронавирусга чалинди. Бу ҳақда унинг ўзи маълум қилди.
55 ёшли Шаҳ твиттерда CОVID-19 биринчи аломатлари сезилганидан сўнг синовдан ўтганлигини ёзди. "Соғлигим яхши, аммо мен шифокорлар тавсияси билан касалхонага ётдим", дея қўшимча қилди у.
Вазир, шунингдек, шундай деб ёзган: "Сўнгги кунларда мен билан боғланган ҳар бир кишидан алоҳида бўлиб, синовдан ўтишларини сўрайман".
Вазир Шаҳ Бош вазир Нарендра Моди билан охирги марта қачон учрашганлиги ҳақидаги саволга жавоб беришдан бош тортди.