Бангладеш Ташқи ишлар вазирлиги Ҳиндистон элчиси Пранай Вермани икки давлат чегарасида тиканли симлар ўрнатилишига қарши норозилик билдириш учун чақирди.
Бу ҳақда Бангладешнинг BSS ахборот агентлиги хабар берди.
Халқ Республикаси муваққат ҳукуматидаги ички ишлар вазири Жаҳонгир Алам Чоудрининг тушунтиришича, аввалги ҳукумат даврида имзоланган қатор келишувлар туфайли “Бангладеш ва Ҳиндистон чегарасида бир қанча муаммолар юзага келган”. “Бироқ, халқимиз ва чегарачиларнинг саъй-ҳаракатлари Ҳиндистонни муайян фаолиятни, жумладан, симли панжаралар қуришни тўхтатишга мажбур қилди”, — деди у.
Ташқи ишлар вазирлигидаги учрашувдан кейин ОАВга гапирган элчи Верма Дакка ва Нью-Дели “хавфсизлик мақсадида чегарани девор билан ўраш бўйича келишувга эришганини” айтди. "Бизнинг чегара идораларимиз бу масала бўйича алоқада. Биз бу тушуниш ҳаракатга айланишини ва чегарада жиноятларга қарши курашиш бўйича биргаликдаги ёндашув ишлаб чиқилишини кутамиз", - дея қўшимча қилди элчи.
Бангладеш ва Ҳиндистон ўртасида чегара масалаларини ҳал қилиш учун тўртта англашув меморандуми имзоланди. Нолинчи чизиқдан 137 м масофада мудофаа салоҳиятини ривожлантириш билан боғлиқ ҳеч қандай иш ўзаро келишувсиз амалга оширилиши мумкин эмас.
Россияда ўлганлар сони рекордми?
Хитой ва Япониядан кейин Россия ҳам шу таклифни бермоқда
“Манчестер Сити” Абдуқодир Ҳусанов учун қанча пул тўлаши айтилди
