Ҳиндистон давлат нефтни қайта ишлаш заводлари Россия нефтини сотиб олишни қайта бошлади

Бу ҳақда Bloomberg хабар бермоқда.

Indian Oil Corp ва Bharat Petroleum Corp сентябрь ва октябрь ойларида жўнатиладиган Россиянинг Уралс нефтининг бир неча партиясини сотиб олди.

Савдогарларнинг фикрига кўра, Уралсдаги чегирма бир баррел учун 1 доллардан 2,50 долларгача ўсди, бу эса харидларни қайта бошлаш учун қўшимча рағбат бўлиши мумкин.

АҚШ молия вазири Ҳиндистонни уруш бошланганидан бери Россия нефтига бойиб бораётганликда айблаб, унинг импортдаги улуши 1 фоиздан 42 фоизга ошганини қайд этди. Шу билан бирга, Хитойнинг бу кўрсаткичи атиги 13 фоиздан 16 фоизга ошган.