“Ҳамид Олимжон” метро бекатидаги эскалаторлар қачон ишлайди?

Тошкент метрополитенининг “Ҳамид Олимжон” бекатида эскалаторларни янгисига алмаштириш ишлари муносабати билан бекатнинг эскалатор йўлаги вақтинча ёпилган эди.

🔺 Маълум қиламизки, ҳозирги кунда мазкур эскалаторларни ўрнатиш ва созлаш бўйича барча техник ишлар тўлиқ якунланган. Айни вақтда эскалаторлар “Технопарк” МЧЖ пудратчи ташкилоти томонидан лаборатория техник синовларидан ўтказилмоқда.

🔸 Шундан сўнг эскалаторлар 48 соат давомида йўловчиларсиз синов режимида ҳаракатлантирилади. Синов жараёнлари муваффақиятли якунлангач, Ўзбекистон Республикаси Вазирлар Маҳкамаси ҳузуридаги Саноат, радиация ва ядро хавфсизлиги қўмитаси томонидан белгиланган тартибда рухсат олиниб, эскалаторлар рўйхатга қўйилади ҳамда йўловчиларни ташишга рухсат этилади.

⏰ Режаларга кўра, жорий йилнинг 19-январ санасидан бошлаб янги эскалаторлар йўловчиларга хизмат кўрсатишни бошлайди. Шунингдек, мазкур вестибюлдан йўловчилар тўлиқ ва бемалол фойдаланишлари мумкин бўлади.

Ўрнатилган янги эскалаторлар замонавий технологиялар асосида ишлаб чиқилган бўлиб, электр энергиясини тежаш имкониятига эга. Сенсор қурилмалар билан жиҳозланган ушбу эскалаторлар йўловчилар яқинлашганда автоматик тарзда ишга тушади, бошқа вақтларда эса энергияни тежаш режимида ишлайди.