Ҳўрмуз бўғози фалаж ҳолатга келди

Бу ҳақда Marine Traffic денгиз кемалари ҳаракати сайтига таяниб CNN ёзмоқда.

Маълумотларга кўра, Ҳўрмуздан ўтишга ҳаракат қилаётган кемалар ҳатто бўғознинг ўзига кирмасдан ортга бурилмоқда. Яқинда суюлтирилган газни ташиётган иккита танкер худди шундай қилган.

"Танкерлар Эрон қуролли кучлари томонидан ортга қайтарилди. Ҳиндистон компаниясига тегишли Меda кемаси шанба куни кечқурун БАА қирғоқларини тарк этган. Хитой компаниясига тегишли G Summer кемаси эса Кувайтдан йўлга чиққан. Аммо иккала кема ҳам Ҳўрмуз бўғозига кирмасдан, Эроннинг Ларк оролидан жануброқда ортга бурилган. Аввалроқ бу кемалар Эрон суюлтирилган табиий газини ташигани учун АҚШ санкциялари рўйхатига киритилган эди", деб ёзади CNN.

Нашр, шунингдек, Эрон Ислом инқилоби қўриқчилари корпуси кеча Ҳўрмузни қайта ёпиш ҳақидаги баёнотларидан сўнг, ушбу икки кемадан бошқа ҳеч бир кема бўғозни кесиб ўтишга ҳатто уриниб ҳам кўрмаганлигини қайд этган.