"Ҳамас - чиқиб кетинг." Ғазода террорчилик гуруҳига қарши намойишлар ўтказилади

Ғазода кўп йиллардан бери ҳокимиятни қўлида ушлаб турган Ҳамас гуруҳига қарши норозилик намойишлари тўсатдан бошланди. Аҳоли кўчаларга чиқиб: “Аллоҳ номи билан, Хамас, чиқинглар! Биз яшашни хоҳлаймиз”, деб ҳайқирмоқда. Митинглар акс этган видеолавҳалар араб телеканаллари, жумладан, Al-Hadath томонидан чоп этилмоқда.

Исроилнинг i24 каналига кўра, норозилик намойишлари маҳаллий клан раҳбарлари томонидан чақирилган. Улар “халқ қўзғолони” ва ХАМАС бошқарувига чек қўйишни талаб қилмоқда. Кўчаларда, исроиллик журналистлар таъкидлаганидек, сўнгги пайтларда жангарилар кўпинча юзларини ёпиш учун ишлатадиган фаластинлик рўмоллар камайган.

Намойишчилар ХАМАСни гуманитар ёрдамни ўғирлашда ва уни ошириб юборилган нархларда сотишда айбламоқда.

“Биз катта нарх тўладик ва уни кундан-кунга тўлашда давом этамиз.“Раҳбарлар бизни ташлаб кетишди, очликдан ўлимга қолдириб, қонимиз билан савдо қилишда давом этишди”, деди намойишчилардан бири.

Исроил аввалроқ гаровга олиш бўйича музокараларда Хамасга босимни кучайтириш учун Ғазо секторига инсонпарварлик юкларини етказишни чеклаган эди.