Ҳакамга нисбатан агрессив муносабатда бўлган мураббий 9 ойга четлатилди

Паулу Фонсека тахмин қилинганидан кўра қаттиқроқ жазоланди.

Аввалроқ «Лион» бош мураббийи «Брест» (2:1) билан ўйин охирида Бенуа Мийо томонидан четлатилгач, ҳакамга нисбатан ўзини агрессив тутган ва юзма-юз туриб унга бақирганди.

LFP интизоми қўмитаси португалиялик мутахассисни 9 ойга четлатишга қарор қилди, дея хабар беради RMC Sport.

Бу ҳолатда қарор икки қисмдан иборат. Биринчиси: Фонсекага 2025 йил 15 сентябргача ўйин кунлари ҳатто ўз жамоасининг кийиниш хонасига ҳам кириш тақиқланди. Иккинчиси: 30 ноябргача умуман захира ўриндиғида ўтириш маън этилди.