Гвардиола Ҳусановни Уокерга қиёслади

«Манчестер Сити» устози Пеп Гвардиола «Фулхэм»га қарши баҳсдан сўнг ўзбекистонлик ҳимоячи Абдуқодир Ҳусановнинг ўйинига юқори баҳо берди.

АПЛнинг 26-тури доирасидаги «Фулхэм» билан баҳсда (3:0) Ҳусанов 60-дақиқада захирадан майдонга тушди ва ўзи учун одатий бўлмаган ўнг қанот ҳимояси позициясини эгаллади.

«Бир неча дақиқа Ҳусановни яна ўнг қанотда кўришни истадим. Унинг услуби Кайл Уокернинг гуллаган даврларига ўхшаб кетади. Ҳусанов унингдек ўйнай олишини биламан» - деди Гвардиола.

Абдуқодир Ҳусанов Англия Премер-лигасининг жорий мавсумида шу кунгача 12 та учрашувда майдонга тушди.