Гвардиола ҳали кутилмаган воқеалар кўп бўлишини ваъда қилди

«Манчестер Сити» бош мураббийи Хосеп Гвардиола АПЛдаги чемпионлик пойгаси ҳақида гапирди.

Каталониялик мутахассис асосий кураш ҳали олдинда эканлигини таъкидлади. Унинг фикрича, даъвогар жамоаларнинг барчаси қолган барча учрашувларда ғалаба қозониши имконсиз.

«Сизга ваъда бераман — ҳали кўп воқеалар содир бўлади! «Арсенал»нинг ҳолатини билмайман-у, лекин биз барча ўйинларда ғалаба қозона олмаслигимизни ҳис қиляпман. Бу менинг ички туйғум», — дея Гвардиоланинг сўзларини келтиради City Xtra.