Грузияда мотам эълон қилинди

Грузия бош вазири Ираклий Кобахидзе томонидан имзоланган фармонга кўра, 9 январь мамлакатда мотам куни деб эълон қилинди.

Қарор Гал туманидаги Саберио қишлоғида содир бўлган ёнғинда беш боланинг фожиали ҳалок бўлиши билан боғлиқ.

Ҳодиса ёнғинга эҳтиётсизлик билан муносабатда бўлиш натижасида содир бўлган. Ёнғин натижасида қишлоқдаги ёғоч уй бутунлай кулга айланган. Ёнғинда беш нафар ёш бола ҳалок бўлди.

Расмий маълумотларга кўра, марҳум болаларнинг дафн маросими эртага ўтказилади.

Мотам куни мамлакатдаги давлат муассасаларида байроқлар туширилади ва кўплаб тадбирлар ортга сурилади. Грузия ҳукумати фуқароларни бирдамликка ва муҳтож оилаларни қўллаб-қувватлашга чақирди.