Россиянинг Украина билан урушдаги ғалабаси нафақат Киевга етказиб бериладиган Америка қуроллари учун маблағни тежаб қолмайди, балки Пентагон харажатларини оширишни ҳам талаб қилади. Гап 2029 йилга келиб 800 миллиард доллардан ортиқ маблағ ҳақида кетмоқда. American Enterprise Institute (AEI) таҳлилчилари шундай хулосага келишди.
Bloomberg'нинг таъкидлашича, бу консерватив таҳлил маркази ўзининг янги ҳисоботида Пентагоннинг тахминий бюджетига алоҳида эътибор қаратган. Ушбу бюджет "Россия Украинани мағлуб этган дунёда зарур бўлган ва Америка хавфсизлигига бўлиши мумкин бўлган каскадли таъсир"га қаратилган, чунки мамлакат рақиблари бундай вазиятдан сабоқ чиқариши мумкин.
Мутахассисларнинг таъкидлашича, агар Россия президенти Владимир Путиннинг босқини муваффақиятли бўлса, бу Европанинг қиёфасини ўзгартиради ва Москвага НАТО аъзоларига таҳдид қилишга жасорат беради.
Россиянинг Украинадан ташқаридаги одатий ҳужумини олдини олиш ва керак бўлганда қайтариш учун АҚШ бюджетини 808 миллиард долларга ошириш керак бўлади.
Бу маблағ АҚШ Мудофаа вазирлигининг 2029-йилгача бўлган амалдаги беш йиллик режасини 4,4 триллион доллардан 5,2 триллион долларга ёки бир йилда режалаштирилганидан тахминан 165 миллиард долларга оширади.
"Биз Украинанинг қўллаб-қувватланиши молиявий жиҳатдан Американинг энг яхши манфаатларига жавоб беради, деган хулосага келдик," - дея таъкидлади АЕИ.
Таҳлилчиларнинг тушунтиришича, агар Россия ғалаба қилса, Украинага ёрдам бериш учун қисқа муддатли харажатлар узоқ муддатли харажатлардан анча кам.
Россияда ўлганлар сони рекордми?
Алишер Қодиров Қонунга қарши овоз берган ҳамкасбларига мурожаат қилди: “Истеъмолчининг 3 тадан 2 таси ёшлар. Ярми қизлар”
Менга қанча пенсия чиқар экан? ёки бўлажак пенсионерларга тавсиялар
