Грузияда 58 кундан бери ҳукуматга қарши норозилик намойишлари давом этмоқда

Грузияда 58 кундан бери ҳукуматга қарши норозилик намойишлари давом этмоқда.

Оммавий ахборот воситалари хабарига кўра, кеча намойишга театр ва кино вакиллари чиқиб, олдинги намойишларда ҳамкасбларининг ҳибсга олинишига қарши норозилик билдиришган. Акция иштирокчилари парламент биноси олдидаги Руставели проспектини тўсиб қўйди.

Тбилиси ва Грузиянинг бошқа шаҳарларида 58 кундан буён норозилик намойишлари давом этмоқда. Мухолифат парламент сайловлари натижалари ва бош вазир Ираклий Кобахидзенинг Грузияни Европа Иттифоқи билан интеграцияси жараёнини 2028 йилгача тўхтатиб туриш ҳақидаги қарорига норозилик билдириб келмоқда.