АҚШ ҳукумати «Турли миллатга мансуб иммигрантлар визаси — DV» (Green Card) дастурида қатнашиш учун анкета тўлдириш 2 октябрдан бошланишини маълум қилди. Анкета тўлдириш Тошкент вақти билан 2 октябрь соат 21:00 дан 5 ноябрь соат 21:00 гача давом этади.
Ҳар йили АҚШ ҳукумати «Турли миллатга мансуб иммигрантлар визаси — DV» дастури доирасида маълум миқдорда доимий яшаш ҳуқуқини берувчи визалар ажратади. Визалар сўнгги беш йил ичидаги АҚШга иммиграция кўрсаткичлари асосида олти минтақавий ҳудуд орасида тақсимланади. Бунда АҚШга иммиграция кўрсаткичлари паст бўлган ҳудудларга кўпроқ виза миқдори белгиланади.
Визага мурожаат этувчилар компьютер орқали амалга ошириладиган тасодифий танлов лотереяси ёрдамида сараланади. Шахснинг исми лотереяда танланиши унга иммиграцион визага мурожаат этиш жараёнининг кейинги босқичларини ўтиш имкониятини беради.
2026 йил учун 55 000 тагача Турли миллатга мансуб иммигрантлар визаси (DV) ажратилади. DV дастурига рўйхатдан ўтиш бепул, бироқ танлаб олинган номзодлар суҳбатга чақирилганда, расмий виза аризасини топширишдан олдин виза учун тўлов тўлашлари керак бўлади.
Россия Ўзбекистондан тушунтириш сўради
«Дунёда нефть тугайдиган аниқ кун» маълум бўлди
Пенсия ёши ошиши ҳақидаги гап-сўзларда жон борми?
