Ғозғон шаҳрида имтиёзли кредит маблағини ўзлаштирган иш юритувчи аниқланди

Бош прокуратура ҳузуридаги Департаментнинг Ғозғон шаҳар бўлими томонидан ўтказилган терговга қадар текширувда, “U.T.” фермер хўжалиги собиқ иш юритувчиси А.Ж. 5 нафар фуқаро номига ажратилган 156 млн сўм имтиёзли кредит эвазига уларга чорва моллари етказиб берилганлиги тўғрисида сохта ҳисоботлар тузиб, кредит маблағини ўзлаштирганлиги аниқланган.

Мазкур ҳолат юзасидан Жиноят кодексининг тегишли моддалари билан жиноят иши қўзғатилиб, тергов ҳаракатлари ўтказилмоқда.