Германия Федератив Республикаси Христиан-демократик иттифоқ (ХДИ)нинг собиқ раҳбари, айни дам мамлакат ташқи ишлар вазири лавозимига муносиб кўрилаётган Бундестагнинг амалдаги аъзоси Армин Лашет “n-tv” телеканалига интервью берди.
Хусусан, у келажакда АҚШ Германияни ҳимоя қила олмаслигини таъкидлаб, шундай вазиятга тайёргарлик кўришга чақирди.
– Менимча, трансатлантик алоқаларни сақлаб қолиш тўғри, – деган сиёсатчи. – Шу билан бирга, биз ҳозир юзага келмайди, деб умид қилаётган ҳолатга тайёргарлик кўришимиз керак – америкаликлар қачондир бизни ҳимоя қила олмай қолади.
Берлин Киевга “Таурус” ракеталари етказиб берилиши кераклиги ҳақида гапираркан, Лашет “Германияни урушга тортмайдиган” ҳар қандай вариантни кўриб чиқиш зарурлигини таъкидлаган.
23 февраль, яъни Бундестаг сайлови куни ХДИ етакчиси Фридрих Мерц Германия АҚШдан мустақил бўлишига эришиш мамлакат сиёсатида “мутлақ устуворлик” касб этишини айтган. Шунингдек, Трампнинг баёнотлари табиати “Америкаликлар Европа тақдирига кўп жиҳатдан бефарқлиги” исботи эканини қўшимча қилган.
Россия С-300/400 макетлари билан дунё кўзини алдамоқда!
Украина Ўзбекистонга санкция жорий қилди. Учта компания ва бир фуқаро “қора рўйхат”да
Россия Украинани виждонсизларча ўққа тутмоқда
