Бундестаг оёққа тақиладиган электрон билакузукларни маъқуллади, энди мамлакатда судлар оиладаги зўравонликда айбдор деб топилган шахсларга уларни тақиб юриш мажбуриятини юклаши мумкин.
Электрон билакузук тажовузкорнинг қаерда эканлигини кузатиш ва агар у, масалан, жабрланувчининг уйига яқинлашса, хавф сигналини бериш имконини беради. Бу чора, биринчи навбатда, қайта зўравонлик содир этиш хавфи юқори бўлган ҳолатларда қўлланилади. Янги қонунга кўра, Германия судлари ҳуқуқбузарларга ғазабни бошқариш бўйича тренинглардан ўтиш мажбуриятини ҳам юклаши мумкин. Бундай суд қарорларини бузганлик учун жазо чоралари ҳам кучайтирилмоқда: максимал озодликдан маҳрум қилиш муддати уч йилгача оширилди.
Оиладаги зўравонликдан ҳимоя қилиш тўғрисидаги қонунга киритилган ушбу ўзгартиришлар аёлларга нисбатан зўравонликка қарши кураш бўйича Истанбул конвенциясини амалга ошириш доирасида жорий этилмоқда. Шу билан бирга, Германия оиладаги зўравонликда айбдорларни электрон билакузук тақишга мажбурлайдиган Европа Иттифоқидаги биринчи давлат эмас.
Германияда оиладаги зўравонлик қурбонларининг деярли 80 фоизи — аёллардир. 2024 йилда ундан 170 мингдан ортиқ киши жабрланган. Қонун лойиҳаси ҳали Бундесрат ва мамлакат президенти томонидан ҳам маъқулланиши керак.
Россия Москвадаги парадга борадиган етакчилар рўйхатини эълон қилди
МДҲ давлатларида қанча Иккинчи жаҳон уруши қатнашчилари қолган?
Президентнинг хотинига ҳукм чиқарган судъя ўлик ҳолда топилди
