Германиянинг Ахен шаҳрида III асрга оид қадимги Рим мудофаа девори топилди. Археологлар уни Понтштрассе ва Марктплац чорраҳасида қурилиш ишлари олиб борилаётганда аниқлашди.
Қазишмаларда иштирок этган археолог Андреас Шауб топилмани “Римнинг катта девори қолдиқлари” деб таърифлаб, бу катта истеҳкомнинг муҳим қисми эканлигини айтди, деб хабар беради korrespondent.net.
Шаубнинг айтишича, бу кашфиёт Рим давридан то ўрта асрларгача давом этган Ахен тарихига яна бир саҳифа қўшади. Бу шаҳарнинг ўтмиши билан узвий боғлиқликни таъминлайди ва шаҳарнинг кўп асрлик тамаддуни ҳақида ўзига хос нуқтаи назарни шакллантиради.
