Германияда 6 апрелдан 21 июнгача бўлган даврда жазирама иссиқ оқибатида 800 дан ортиқ киши вафот этди. Бу ҳақда Роберт Кох институти ҳисоботида маълум қилинди.
Маълумотга кўра, аксарият ҳолатларда ўлимга иссиқ ҳаво таъсири ҳамда инсонда аввалдан мавжуд бўлган касалликлар биргаликда сабаб бўлган.
Мутахассисларнинг таъкидлашича, иссиқ ҳаво одатда ўлимнинг асосий сабаби сифатида қайд этилмайди. Шу боис иссиқлик билан боғлиқ ўлимлар сони статистик таҳлил усуллари орқали ҳисоблаб чиқилади.
Баҳолаш Германия Федерал статистика бошқармасининг ўлим бўйича маълумотлари ҳамда **Германия метеорология хизмати (DWD)**нинг мамлакатнинг турли федерал ерларида жойлашган 52 та метеостанцияси тақдим этган ҳарорат кўрсаткичлари асосида амалга оширилган.
Kronen Zeitung нашрининг хабар беришича, вафот этганларнинг қарийб 500 нафари 85 ёш ва ундан катта, 190 нафари 75–84 ёш, 80 нафари 65–74 ёш, 40 га яқини эса 65 ёшдан кичик бўлган.
Ўн йилдан сўнг пулнинг аҳамияти деярли қолмайди
Эрон 200 нафардан ортиқ америкалик ҳарбий хизматчиларни йўқ қилди
1 августдан автомобиллар учун газ бепул бўлади
