Германияда ҳарбий хизматдан озод этилмаган украиналик эркаклар учун янги чеклов жорий этилди

Германияда чақирув ёшидаги айрим украиналик эркаклар энди вақтинчалик ҳимоя мақомини ололмайди. Бу ҳақда Deutsche Welle хабар берди.

Маълум қилинишича, чеклов 23 ёшдан 60 ёшгача бўлган ва ҳарбий хизматдан расман озод этилмаган украиналик эркакларга тааллуқли.

Шунингдек, Германия ҳудудида қонуний асосларсиз бўлиб турган шахслар депортация қилиниши мумкин.

Янги тартиб Украина фуқароларига вақтинчалик ҳимоя бериш шартларини янада қатъийлаштиришни назарда тутади.