Германия хавфсизлик соҳасида Исроил билан ҳамкорлик қилишни режалаштирмоқда

Бу ҳақда Bild нашри хабар бермоқда.

Нашрнинг ёзишича, Германия ички ишлар вазири Александр Добриндт Эрон билан 12 кунлик урушдан кейин Исроилга ташриф буюрган биринчи германиялик сиёсатчиси бўлди.

Германия ИИВга кўра, мазкур ташрифдан мақсад Исроилга бирдамлик билдириш ва янги ҳамкорлик алоқаларини йўлга қўйиш ҳисобланади.

Добриндтнинг режасига кўра, икки давлат ўртасида киберхавфсизлик соҳасидаги ҳамкорликни мустаҳкамлаш, Германия-Исроил кибер тадқиқот марказини яратиш ҳамда дронларга қарши курашиш воситаларини ривожлантириш кўзда тутилмоқда.