Германия мудофаа вазири Борис Писториус Трамп маъмуриятининг тинчлик келишувига эришиш учун Украинага ҳудудий имтиёзлар бериш ҳақидаги таклифларини танқид қилди. Унинг баёнотидан Тагессчау иқтибос келтирмоқда.
Писториус АҚШ ташаббусини Украинани таслим қилиш билан қиёслади.
" Украина бир йил аввал таслим бўлган ҳолда бунга ўзи эриша оларди ", деди вазир.
Унинг сўзларига кўра, Украина барқарор ўт очишни тўхтатиш тўғрисидаги битим ёки тинчлик шартномаси муайян имтиёзларни ўз ичига олиши мумкинлигини тушунади. Шу билан бирга, у бундай имтиёзлар Украина учун ишончли хавфсизлик кафолатлари билан бирга бўлиши кераклигини таъкидлади.
Аxios нашри эълон қилган режага кўра, аннекция қилинган Қрим Россия деб тан олинади, ишғол қилинган Донетск, Луганск, Запорожя ва Херсон вилоятлари эса Россия назорати остида қолади.
Келишув доирасида Россия Харков вилоятининг бир қисмини Украинага қайтариши керак. Запорижжя АЕС Киевнинг расмий назоратига ўтади, бироқ стансия АҚШ томонидан бошқарилади.
Киев, шунингдек, НАТОга кириш истагидан воз кечади ва Қўшма Штатлар билан табиий ресурсларни биргаликда ўзлаштириш бўйича шартнома имзолайди.
Агар келишув тузилса, Доналд Трамп Россияга қарши 2014 йилдан бери жорий қилинган барча санкцияларни бекор қилишга тайёр.
Хитойликлар оролни эгаллади ва тарк этди
"Эл-Класико" олдидан "Барселона" мухлислари учун хушхабар бор
Европа зулматга чўмди
