AFP: Германия ташқи ишлар вазири Анналена Бербок бугун Украинанинг Николаев вилоятига ташрифини Россия дрони туфайли тўхтатди.
Агентликнинг маълум қилишича, дрон бир муддат Бербок зирҳли кортежини кузатиб борган.
Германия ташқи ишлар вазирлиги раҳбари фронт чизиғи яқинидаги сув тозалаш иншоотига ташриф буюриши керак бўлган бир вақтда делегация аъзоларидан бири дрон ҳақида огоҳлантириш олган. Шундан сўнг, ташриф бекор қилинди ва делегация чиқиб кетди. Кортеж жўнаб кетганидан кўп ўтмай, Николаев вилоятида ҳаво ҳужуми ҳақида огоҳлантириш сигнали эшитилди, дея хабар берди AFP.