Уч кун давомида Германия қуролли кучлари, ички хавфсизлик хизматлари ва фуқаролик органлари Гамбург порти учун фавқулодда вазият режасини ишлаб чиқди. Ҳарбий машқларнинг мақсади муҳим инфратузилмани ҳимоя қилиш экани хабар қилинди. Ҳарбийлар иттифоқчи кеманинг портга келиши, танклар ва ғилдиракли транспорт воситаларини хавфсиз тушириш сценарийсини ишлаб чиқди. Манёврларда 100 га яқин аскар иштирок этди.
Бундесвер бундай машғулотлар келгусида тез-тез ўтказилишини айтди. Баёнотда айтилишича, Россиянинг Украинага ҳужуми ортидан Европада кейинги беш йил ичида яна уруш эҳтимоли бор. НАТО бунга биргаликдаги саъй-ҳаракатлар билан қарши чиқмоқчи ва бунинг учун иттифоқчи кучларни ғарбдан шарққа тез жойлаштириш керак бўлади.
“Германия ўзининг геостратегик мавқеига кўра марказ вазифасини ўтайди, шунинг учун темир йўл, автомобил ёки ҳаво орқали ҳарбий транспортни ташкил этиш, озиқ-овқат, кўрпа-тўшак ёки ёнилғи етказиб бериш, шунингдек, бутун автоконвойларни ҳимоя қилиш режаси тартиб билан ишлаб чиқилиши керак", дейилади Бундесвер баёнотида.
Қозоғистон Россия, Хитой, Туркия ва Марказий Осиё давлатларини ортда қолдирди
Украина бешта шаҳарни йўқотиш хавфи остида
Туркия, Эрон, Россия, Қатар, Миср, Иордания ва бошқа давлатлар Сурия бўйича қўшма баёнот берди
