Германия мудофаа вазири Борис Писториуснинг айтишича, Берлин яқин орада Украинага Leopard танкларини етказиб бериш бўйича қарор қабул қилиши мумкин.
Бу ҳақда ARD телеканалига таяниб, “РИА Новости” хабар бермоқда.
"Қарор, менимча, нима бўлишидан қатъий назар, тез орада қабул қилинади", деди Писториус.
Унинг сўзларига кўра, гап хавфсизлик масаласи ҳақида кетаётгани учун ҳам ижобий, ҳам салбий қарорнинг оқибатларини тарозида кўриш керак.
"Бу ҳукумат зиммасига тушадиган масъулият", дея қўшимча қилди Германия Мудофаа вазирлиги раҳбари.