Германиянинг федерал конституцияни ҳимоя қилиш идорасига (BfV) янги раҳбар тайинланди. 53 ёшли Синан Селен мазкур лавозимга тайинланади. У 1972 йилда Истамбулда туғилган ва Кёльн университетида ҳуқуқшунослик бўйича таҳсил олган. Синан Селен ички ва суд сиёсатлари соҳасида мутахассис бўлиб, илгари Германия ички ишлар вазирлиги ва федерал жиноят ишлари идорасида фаолият юритган. 2019 йилдан буён у BfV вице-президенти лавозимида ишлаб келаётган.
Ушбу тайинлаш федерал конституцияни ҳимоя қилиш идорасининг 75 йиллиги муносабати билан амалга оширилмоқда. Илгари ушбу идора раҳбари бўлган Томас Хальденванг 2024 йил охирида лавозимдан кетиб, Бундестагга сайланишга ҳаракат қилган, аммо муваффақиятга эришмаган.
BfV Германия ички хавфсизлиги ва контрразведка хизмати бўлиб, ички ишлар вазирлигига бўйсунади. Идоранинг асосий вазифалари — демократик тартибга таҳдид солувчи ташкилотларни кузатиш, контрразведка фаолиятини амалга ошириш, саботаждан ҳимоя қилиш ва махфий маълумотларни сақлашдир. 2022 йилда идорада 4286 ходим ишлаган ва унинг бюджети 440 миллион еврони ташкил этган.
Николай Валуевга нисбатан қидирув эълон қилинди
БМТда Фаластинга доир муҳим ҳужжат қабул қилинди. Қайси давлатлар қарши овоз бергани маълум
Доҳада оммавий норозилик бошланди
