Федерал жиноий полиция бошқармаси (БКА) президенти Холгер Мюнх Германияга кокаин етказиб бериш кескин ортишидан огоҳлантирди. Унинг сўзларига кўра, Шимолий Америка бозори аллақачон тўйинган – энди наркокартелларнинг эътибори тобора Европага қаратилмоқда.
"Биз Германияда тобора кўпроқ тарқалаётган кокаин тўлқинини кўрмоқдамиз", деди у Редактионснетзwерк Деутсчланд.
Героин билан боғлиқ вазият ҳам қўшимча ташвиш уйғотади.
"Толибон Афғонистонда афюн етиштиришни тақиқлагани учун бозорда тақчиллик кузатилмоқда. Бу синтетик опиоидлар билан сохталаштириш хавфини келтириб чиқаради, бу эса фойдаланувчилар учун таҳдидни сезиларли даражада оширади", - дея қўшимча қилди Мюнх.
2024 йилги жиноятлар бўйича сўнгги статистик маълумотларга кўра, героин билан боғлиқ жиноятлар камайди, лекин кокаин билан боғлиқ жиноятлар 5 фоизга ошган, ЛСД ва янги синтетик моддалар билан боғлиқ ҳолатлар эса янада кўпайган. Шу билан бирга, Германияда кокаиннинг бир дозаси нархи, БКА маълумотларига кўра, ўртача 4,70 еврони ташкил этади - бу бардаги бир стакан пиводан арзонроқ.
Нашани қонунийлаштириш тергов органларига юкни камайтирмади, деб таъкидлади Мюнх.
"Сотишга рухсат берилган клублар талабни қондира олмайди. "Қонуний чегараси 25 грамм бўлгани учун эса майда савдони тўхтатиш анча қийинлашди", - деди .
Кейинги 5 йил ичида бошланиши мумкин бўлган 5 та уруш
Ҳиндистон ташқи ишлар вазири Ғарбни "агар ёқмаса" нефтни сотиб олмасликка чақирди
Энди ерликлар ўзга сайёраликларни тинч қўймайди
