Германия Иккинчи жаҳон урушидан бери биринчи марта бошқа давлатга қўшин юборди

Германия фашистлар давридан бери биринчи марта ўзининг мунтазам қўшинларини бошқа мамлакатга жойлаштириш учун юборди.

Бу ҳақда Military Watch Magazine хабар бермоқда.

Германия армияси Литва пойтахти Вильнюсда ўз бўлинмаларини жойлаштиришни бошлади ва янги 45-танк бригадасини тузди.

2023 йил декабрь ойида Литва ва Германия мудофаа вазирлари Арвидас Анушаускас ва Борис Писториус Вильнюсда 2027 йилгача республикада немис бригадасини жойлаштириш бўйича ҳаракатлар режасини имзолади.

Асосий бирикмаларни кўчириш 2025 йилда бошланган. Икки йил ичида Руднинка полигонидаги немис бригадаси тўлиқ оператив тайёргарликка эришиши керак.