“Газпром” Россиянинг энг даромадли 100 та компанияси қаторидан чиқди

Forbes’га кўра, 2023-йилни “Газпром” 583 млрд рубл зарар билан якунлаган. “Коммерсант” нашри эса зарарни 629 млрд рублга баҳоламоқда. Ҳар қандай ҳолатда ҳам, бу 25 йил ичидаги энг юқори кўрсаткич.

Компания муаммоларининг асосий сабаби энг кўп фойда келтирган Европа Иттифоқи бозорининг йўқотилиши экани айтилмоқда. Россиянинг энг даромадли компаниялари рейтингининг янги пешқадами “Роснефт” бўлди.

Рейтингда иккинчи ўринда 1,509 трлн рубл соф фойда билан «Сбербанк», учинчи ўринда эса «Сургутнефтегаз» (1,32 трлн) жой олган. Биринчи ўнликка, шунингдек, «Лукойл» (1,16 трлн.), «Новатек» (469,5 млрд), ВТБ (432,2 млрд), «Сахалинская энергия» (315,3 млрд), «Транснефть» (306,6 млрд), «Татнефть» (286,3 млрд), «Норилский Никель» (251,8 млрд) кирди.

Forbes қайд этилганидек, рейтингдаги 100 та компаниянинг умумий фойдаси 13,2 триллион рублдан ошди. Бир йил аввал бу кўрсаткич 9,27 триллион рублни ташкил қилган эди.