Ғазога ҳужумлар қайта бошланганидан бери 320 дан ортиқ бола ҳалок бўлди

Исроил Ғазо секторида ҳарбий амалиётларини қайта бошлаганидан бери 320 дан ортиқ фаластинлик болалар ҳалок бўлди.

Бу ҳақда БМТ Болалар жамғармаси (UNICEF) хабар бермоқда.

18 март куни Исроил Ғазога ҳужумларини қайта бошлаганидан бери камида 322 бола ҳалок бўлди, дея хабар беради UNICEF.

Эслатиб ўтамиз, 18 март куни Исроил армияси Ғазо секторида ҳарбий амалиётларни қайтадан бошлаб, анклавга қарши йирик зарбалар берди ва шу тариқа жорий йилнинг январь ойида ўрнатилган сулҳни тўхтатди. Исроил бош вазири Беньямин Нетаньяхунинг идораси буни ҲАМАСнинг воситачилар ва АҚШ президентининг махсус вакили Стивен Уиткофф томонидан музокаралар чоғида илгари сурилган таклифларни рад этиши билан изоҳлаб, сектордаги операциядан мақсад барча гаровга олинганларни озод қилиш эканини таъкидлади.