Фаластин Соғлиқни сақлаш вазирлигининг маълум қилишича, Исроил томонидан Ғазо секторига нисбатан амалга оширилаётган блокада, ичимлик сувининг ифлосланиши ва очарчилик шароитида кам учрайдиган, хавфли касаллик — Гийен-Барре синдроми кенг тарқалмоқда.
Вазирлик бош директори Мунир ал-Буршнинг сўзларига кўра, сўнгги кунларда 95 та янги ҳолат аниқланган, шулардан 45 нафари болалар, иккиси эса 15 ёшдан кичик.
«Газода бу касаллик аввал йилига атиги бир марта учрар эди, бугун эса ўнлаб ҳолат қайд этилмоқда. Беморлар нафас олишда қийинчиликка дуч келиши, ҳатто ҳаётдан кўз юмиши мумкин», — деди Мунир ал-Бурш.
Унинг таъкидлашича, касалликнинг кенг тарқалиши Исроил томонидан узлуксиз амалга оширилаётган блокада, суғориш ва ичимлик сувининг ифлосланиши, дорилар ва озиқ-овқат етишмаслиги билан бевосита боғлиқ.
Мутасаддилар халқаро ҳамжамиятни Ғазода юзага келган гуманитар фожиага эътибор қаратишга чақирмоқда.
АҚШ "тарвузи қўлтиғидан тушиб кетди": Туркиянинг рухсатисиз Қора денгизга ядровий сув ости кемаларини жойлаштира олмайди
Бола ўғрилари ушланди
Илон Маск барча мамлакатларни Европа Иттифоқини тарк этишга чақирди
