Гарвард университети келаси ҳафта ходимларини қисқартиради

Гарвард университетининг Жон Кеннеди номидаги ҳукумат мактаби федерал молиялаштиришнинг қисқариши сабабли келаси ҳафтада айрим ходимларни ишдан бўшатади.

Бу ҳақда деканнинг маълумотига таяниб, Fox News хабар берди.

"Бу жуда оғир вақт ва биз ундан қочиш учун барча саъй-ҳаракатларимизни қилдик. Мен бу қадамни қўйишимиз кераклигидан чин дилдан афсусдаман, чунки биз мактаб ва университет сифатида мисли кўрилмаган қийинчиликларга дуч келяпмиз", деди декан Жереми Вайнштейн мактубида.

Қисқартириладиган ходимларнинг аниқ сони номаълумлигича қолмоқда.