Ғарбий Соҳилда содир бўлган воқеада Исроил армияси полковниги Аюб Каюф яраланди.
Бу ҳақда армия матбуот хизмати маълум қилди.
Унинг маълумотларига кўра, воқеа Фаластиннинг Тулкарм шаҳри ҳудудида содир бўлган. Офицерлар кетаётган “Давид” қўмондонлик зирҳли автомашинаси портловчи мосламанинг ишга тушиши натижасида шикастланган.
Портлаш вақтида машинада Яҳудия ва Самария бўлинмаси қўмондони (Исроилнинг Ғарбий Соҳил учун атамаси) бригада генерали Яки Долф ва минтақавий Менаше бригадаси қўмондони полковник Каюф бўлган, дейилади хабарда.
"Менаше минтақавий бригадаси қўмондони ўртача оғирликдаги тан жароҳати олди ва тиббий ёрдам кўрсатиш учун эвакуация қилинди. Бу ҳақда унинг оиласи хабардор қилинган. Машинада бўлган бошқа йўловчилар жабрланмаган", - дея маълум қилди армия.
Британия рекорд миқдордаги аскарини йўқотди
Эронда валюта ўзгармоқда
Сурияда муваққат ҳукуматга қарши илк намойиш юз берди
