Ғарб компаниялари Россияга қайтиш имкониятларини ўрганмоқда

Ғарб компаниялари, жумладан, товар савдогарлари, суғуртачилар ва юк ташиш гуруҳлари Россия билан савдони қайта тиклаш бўйича ҳуқуқий маслаҳат сўрашни бошлади, деб хабар беради Финанcиал Тимес. Бу президент Доналд Трампнинг Россия билан муносабатларни яхшилашга уринишлари фонида АҚШнинг Москвага нисбатан санкцияларини юмшатиш эҳтимоли билан боғлиқ .

Россиянинг 2022-йилда Украинага кенг кўламли бостириб кириши ортидан кўплаб Ғарб компаниялари АҚШ ва Европанинг қаттиқ санкциялари туфайли Россиядаги бизнесларини чеклаб қўйди.

Аммо энди, чекловларни юмшатишдан олдин, компаниялар россиялик шериклар билан савдони қайта тиклаш учун ўз операцияларини қандай тузишни кўриб чиқмоқда , айниқса, агар Эвропа Иттифоқи ва Буюк Британия санкциялари сақланиб қолса.

Адвокатларнинг таъкидлашича, компаниялар илгари АҚШнинг энг қаттиқ чораларига қаратилган санкциялар сиёсатини мослаштириш зарурати билан дуч келишмоқда. Масалан, нефт трейдерлари катта сармоя талаб қиладиган нефт ишлаб чиқарувчиларга қараганда Россия билан савдога тезроқ қайтишлари мумкин.

Бироқ, хавф-хатарлар сақланиб қолмоқда: агар сиёсий келишувларга риоя қилинмаса, санкциялар қайта қўлланилиши мумкин.

Кўпгина компаниялар АҚШ, Европа Иттифоқи ва Буюк Британия санкцияларига риоя қилиш учун молиялаштириш ва суғурта талаблари билан чекланади. Эвропа компаниялари назарий жиҳатдан АҚШда энгиллаштирилган қоидалар остида ишлаш учун алоҳида бўлинмаларни ташкил қилишлари мумкин, аммо бу қиммат ва фақат муҳим тижорат истиқболлари мавжуд бўлганда оқланади.

Россия билан иш олиб бораётган Осиё ва Яқин Шарқ компаниялари санкциялар юмшатилганидан фойдаланиб, фаолиятини кенгайтириши мумкин, дейди экспертлар. "Кўп пул топиш керак", деб таъкидлайдилар.