Футбол муносабати билан Тошкентдаги айрим кўчалар вақтинча ёпилади

Чилонзор туманининг айрим кўчаларида соат 17:00 дан соат 23:30 гача бўлган вақт оралиғида автотранспорт воситалари ҳаракати вақтинчалик чекланади.

Бу ҳақда пойтахт ИИББ хабар берди.

Бунга Ўзбекистон ва Қирғизистон терма жамоалари ўртасидаги ўйин ўтказилиши сабаб бўлади. Ушбу кўчалар:

• Чилонзор ва Чўпонота кўчалари чорраҳасидан, Чўпонота кўчаси бўйлаб, Чўпонота Қатортол кўчалари кесишган чорраҳасигача бўлган қисми;
• Бунёдкор иккинчи даражали кўчасидан - Чўпонота кўчасигача бўлган қисми.

Ҳайдовчилардан айланма йўллардан фойдаланиш тавсия этилган.