Франция ички ишлар вазири Бруно Ретайонинг айтишича, чоршанба куни мамлакатда "Ҳамма нарсани блокла" норозилик ҳаракати доирасидаги оммавий намойишларда 200 мингга яқин одам иштирок этган.
Бу ҳақда Ouest-France газетаси хабар бермоқда.
Ретайо бу рақамни вазирликлараро инқирозга қарши қўмитанинг кечки йиғилишидан сўнг айтди. Аввалроқ Франция Ички ишлар вазирлиги мамлакатда 175 минг намойишчи қатнашгани ҳақида хабар берган эди.
Энг йирик касаба уюшмаси - Умумий Меҳнат Конфедерацияси 250 минг намойишчи борлигини даъво қилди.
10 сентябрь Франциянинг катта ва кичик шаҳарларида намойишлар, митинглар, йўллар, корхона ва муассасалар, вокзалларни блокировка қилиш билан нишонланди.
Намойишларнинг асосий объекти мамлакат раҳбариятининг иқтисодий сиёсати бўлди. Намойишчилар орасида президент Эммануэль Макроннинг истеъфосини талаб қилувчи шиорларни кўриш мумкин эди.
Намойишчилар полиция билан тез-тез тўқнашиб кетган ва уларнинг ҳаракатлари тартибсизликларга айланган.
Ўз навбатида, ИИВ раҳбари “мамлакатни тўсмоқчи бўлганлар” режаси барбод бўлганини маълум қилди ва унинг фикрича, ўз олдига қўйилган вазифалар муваффақиятли бажарилгани учун тартиб кучларига миннатдорчилик билдирди.
"UzAuto Motors" 8 та янги модел чиқармоқчи
Жазоир Исроилдан қўрқмайдими?
БАА президенти Қатарга келди, Иордания ва Саудия ворислари ташриф буюриши кутилмоқда
