Сешанба куни Франция шимолида маҳбусни олиб кетаётган қамоқхона фургонига ҳужум уюштирилди. Ҳужумчилар машинада Франция қамоқхона хизматининг икки зобитини отиб ўлдирган, яна уч нафарини оғир яралаган ва маҳбусга номаълум томонга қочишга ёрдам берган, деб хабар беради BBC.
Франция ҳукумати вакиллари ҳозирда қочоқни фаол қидираётганликларини маълум қилишди: қидирув ишларига юзлаб полициячи ва жандармлар сафарбар этилган.
Прокуратура қочоқнинг исми ва ёшини аниқлади. У Муқаддам талончиликда айбланган 20 ёшли Муҳаммад Амр. У, шунингдек, ўлимга олиб келган одам ўғирлашда айбланган.
Figaro газетасининг ёзишича, Амр жиноят оламида «Ла Муш» (Чивин) лақаби билан танилган ва у одам ўлдиришга суиқасддан ташқари, бошқа жиноий айбловлар – гиёҳванд моддалар бўйича жиноятлар учун ҳам бир неча бор судланган.
Француз матбуотининг ёзишича, қочқиннинг гиёҳванд моддалар савдоси билан шуғулланувчи гуруҳлар билан алоқаси бор.
Франция президенти Эммануэль Макрон шосседаги воқеа “ҳаммани ларзага солганини” айтди ва бу жиноят ташкилотчиларини топиш учун ҳамма нарса қилинаётганига ишонтирди.
Мамлакатнинг BFMTV телеканалига кўра, Амр сешанба куни эрталаб Руан судида бўлиб ўтадиган суд мажлисида иштирок этиш учун қамоқдан кўчирилган.
Суд мажлисидан сўнг маҳбус минаётган машина Эвре шаҳридаги қамоқхонага йўл олди.
Бироқ маҳаллий вақт билан соат 11:00 атрофида А154 пулли йўлидаги назорат-ўтказиш пунктида автомобилга ҳужум уюштирилган.
France Press агентлиги хабарига кўра, ҳужумчилар икки машинада қамоқхона карвонига етиб келган ва унга қарата ўт очган.