Францияда Макрон сиёсатини қоралаб ўтказилган намойишларда 540 киши ҳибсга олинди

Францияда 10 август куни президент Эммануэль Макрон сиёсатини қоралаб ўтказилган намойишлар чоғ‘ида 540 киши ҳибсга олинди.

Шу ҳафта Франсуа Байрунинг марказий ўнг ҳукумати истеъфога чиқиши ва Себастьян Лекорну янги бош вазир этиб тайинланиши ортидан бутун мамлакат бўйлаб Макрон сиёсатини қораловчи оммавий намойишлар бўлиб ўтди.

Ички ишлар вазирлиги маълумотларига кўра, мамлакатнинг 850 дан ортиқ аҳоли гавжум жойларида бўлиб ўтган намойишларда 200 мингга яқин киши иштирок этди.

"Ҳамма нарсани блокировка қилинг" шиори остида ўтказилган норозилик намойишлари оммавий ҳибсга олишлар билан кечди: фақатгина Парижнинг ўзида 211 киши қўлга олинган.

Энг кескин вазият Париж, Лион ва Ренн шаҳарларида кузатилди.

Намойишчилар полицияга қарата турли буюмлар улоқтирган, ахлат контейнерларини ёқиб, йўлларни тўсиб қўйган. Полиция эса намойишчиларни тарқатиш учун кўздан ёш оқизувчи газ ва сув пуркагичлардан фойдаланган.